Ренат Салаватов

Ренат Салаватов Россиянең атказанган артисты
Татарстанның халык артисты
“Курмет” Ордены кавалеры (Казахстан)
“Достык” ордены кавалеры (Казахстан)

1969 елда Мәскәү консерваториясенең Үзәк музыка мәктәбенең виолончель классын, 1974 елда Ленинград консерваториясенең симфоник дирижерлык факультетын (проф. К.А.Симеонов һәм проф. И.А.Мусин классын) тәмамлый. Профессор Л.М.Гинзбург җитәкчелегендә Мәскәү консерваториясендә белем ала. 

1974 елда, 25 яшендә, Казах радиосы камера оркестры (Алма-ата) баш дирижеры була. 1976-78, 1985-89, 2001-09 елларда – дирижер, соңрак Абай исемендәге Казах дәүләт опера һәм балет театрының (Алма-ата) баш дирижеры һәм сәнгать җитәкчесе, 1979-85 елларда – ТАССР Дәүләт симфоник оркестры (Казан) баш дирижеры, 1989-90 елларда – Мария театры (Санкт-Петербург) дирижеры, 1990-95 елларда Бавария Милли балетының (Мюнхен) пианисты һәм дирижеры. 1996-2001 елларда – Швециянең Король балеты (Стокгольм) дирижеры, бу театр сәхнәсендә яңартылган «Щелкунчик» (хор.Дж.Ноймайер), «Пер Гюнт» (А.Шнитке музыкасы, хор.Дж.Ноймайер), «Жизель» (хор.М.Эка), «Фрекен Жюли» (хор.Б.Кульберг), «Дон Кихот» (хор.Р.Нуриев), «Щелкунчик» (хор.П.Изберг) һәм башка спектакльләргә дирижерлык итә. Metropolitan Opera (АКШ), Англия Милли Операсы (Лондон), Grand Opera (Париж), Россиянең Большой театры һәм башка сәхнәләрдә чыгыш ясый. 2000 елда чакырылган дирижер буларак, Мария театры сәхнәсендә Ж.Массненың «Манон» (хор.К.Макмиллан), И.Стравинскийның «Петрушка» (хор. М.Фокин, реконструкция С.Вяхирев) балетларын куя. Режиссёр Ю.Александров белән бергә Астанада Ж.Массненың «Вертер», Дж.Вердиның «Аида», Дж.Пуччининың «Тоска», Алматада Дж.Пуччининың «Турандот» операларын сәхнәләштерә. Бразилиядә, Төркиядә, АКШта, Кытайда, Көнчыгыш Европа илләрендә гастрольләрдә була.
2003 елдан – Муса Җәлил исемендәге Татар академия дәүләт опера һәм балет театрының баш дирижеры. Музыкаль җитәкче һәм дирижер буларак, М.Мусоргскийның «Борис Годунов», Ж.Бизеның «Кармен», Г.Доницеттиның «Лючия ди Ламмермур» (спектакль Россиянең “Алтын битлек” милли театр премиясенә тәкъдим ителгән иде), Н.Җиһановның «Җәлил», Дж.Пуччининың «Турандот» операларын, А.Аданның «Корсар», П.Чайковскийның «Йокыга талган гүзәл », Э.Григның «Пер Гюнт», В.Гаврилинның «Анюта» балетларын куюга катнашты. Репетуардагы бөтен спектакльләргә дирижерлык итә, Халыкара Шаляпин һәм Нуриев фестивальләре кысаларында чыгыш ясый. Труппа белән бергә Көнчыгыш һәм Үзәк Европа илләрендә чыгыш ясый (театр чит ил гастрольләрендә елга 130лап спектакль бирә).

2013 елда Жамбыл Казах Дәүләт филармониясенә сәнгать җитәкчесе һәм дирижер итепчакырылган. Казахстан Республикасы Дәүләт Академик симфоник оркестрын да җитәкли.


Пресса:
Ренат Салаватов: "Быть профессионалом своего дела - самое важное в жизни"

"Мои лучшие годы проходят в Казани" (интервью газете "Вечерняя Казань")


Назад в раздел


Блог ТАГТОиБ им М.Джалиля

Коллектив